Онцлох мэдээ

Н.Номтойбаяр шудрага бус шүүхийн шийдвэртэй шоронгоос тэмцэнэ

Н.Номтойбаяр магадлангаар суллагдахгүй, шүүхээс оноосон хилс ялыг яс эдлэнгээ шудрага бус шүүхийн шийдвэртэй шоронгоос тэмцэх болохоо өмгөөлөгчдөө мэдэгджээ.

Чингэлтэй дүүргийн анхан шатны шүүхээс Н.Номтойбаяр ХНХ-ын сайдаар ажиллаж байхдаа үйлдвэрлэл, ажлын байр нэмэгдүүлэх төсөл сонгон шалгаруулах явцад "албан тушаалын хэрэг" үйлдсэн хэмээн буруутгаж, 5.5 жил хорих ял оноосныг Улсын дээд шүүх 2021 оны 01-р сард хянаж үзээд түүнийг тус хэргийг үйлдээгүй болохыг тогтоосноор хэрэгсэхгүй болгосон. Харин төсөл сонгон шалгаруулах явцад Номтойбаярыг сайдын хувьд хяналт тавиагүй, "ажилдаа хайнга хандсан" гэх хэрэгт буруутгаж 1 жил хорих ялаар шийтгэсэн билээ.

Н.Номтойбаяр шоронд хоригдохоосоо өмнө дээрх асуудалд хууль зөрчсөн зүйл үгүй, улстөрийн зорилгоор хэрэг зохиож хэлмэгдүүлж байгааг хэвлэлд удаа дараа ярьж байсан нь түүний өчил үнэн болохыг Улсын дээд шүүх тогтоожээ. Гагцхүү яагаад Н.Номтойбаярыг заавал яллаад байгаагийн цаад шалтгаан, зорилгыг өөрөө болон өөрийг нь хэлмэгдүүлэгчид л одоохондоо мэднэ.

zindaa.mn