ОХУ дайныг эсэргүүцэн жагссан 1.5 МЯНГА гаруй хүнийг БАРИВЧИЛЛАА

2022/02/25, 16:18 1 190 0

ОХУ-ын 52 хотод Украинд явуулж буй цэргийн тусгай ажиллагааг эсэргүүцсэн жагсаал болжээ.

Ихэнх хотод жагсаалд олон хүн оролцож байгаа бөгөөд Москва, Петербург зэрэг хотод олон зуун хүнийг баривчилжээ. ОХУ-ын эрх баригчид ард түмэндээ хандан эсэргүүцлийн жагсаал хийх хэрэггүй хэмээн мэдэгдсэн билээ.

Оросын хотуудад иргэд ганцаараа, цөөхнөөрөө гарч эсэргүүцэл илэрхийлэх зэргээр дайныг эсэргүүцсэн юм.

Петербургт жагсаалд оролцож байгаа хүмүүсийн дийлэнх нь Аугаа их эх орны дайныг даван туулсан ахмад хүмүүс ажээ. Нэгэн ахмад дайчин сэтгүүлчдэд “Би дайныг эсэргүүцэж байна. Би нэг дайныг даван туулсан. Энэ хангалттай” хэмээн ярьсан байна.